... PSOEk eta PPk emandako erantzun ia automatikoa.
Berdin erantzun dute PNVk eta baita neurri baten Aralarrek ere. Eta antza denez, azken bi alderdi hauek gustua hartu diote esaldi horri, eta orain EAri ere aplikatu diote.
Baina jakina, behin gustua hartuta, ezin horrekin bakarrik geratu, eta errepertorio osoa jaurti diote: ezker abertzalearekiko harremanak apurtu behar dituela, alderdia deuseztatu behar dutela…
NaBairen asmoa Nafarroara aldaketa eramatea ei da. Aldiz, oraingoen metodo berdinak erabiltzen dituztela ikusirik (xantaia, inposaketa, bazterketa…), zaila egiten da aldaketan sinistea. Zaila egiten zaidan bezala eskumako alderdi baten helburua "eskuma gobernutik kentzea" izan daitekeenik. Beste eskuma bat jartzeko ez bada, noski.
Bestalde, hartutako bidea ez dakit egokiena den sostengua handitzeko. Eskolan nenbilela, behintzat, kopuru handiagoa lortzeko egin beharrekoak batuketa eta biderketa ziren. Azkenaldian, berriz, kenketa eta zatiketa besterik ez dut ikusten Nafarroan. Lelo zahar batek "zatitu eta garaituko dituzu" dio, baina ez dut uste norberaren burua zatitzeaz ari denik. Pozik eta esku igurtzika imajina ditzakedan bakarrak, NAFARROA BAI barik NAVARRA SI (antivasca y española, jakina) bultzatzen dutenak dira. Lastima!
