Aldi berean, urte berriarekin batera martxan jarriko ditugun erronken zerrenda egiten hasiko gara. Badira inoiz huts egiten ez duten bi: tabakoa uztea eta kirola egiten hastea.
Baina, hotzean pentsatuta, ez al dugu urte baten amaiera eta bestearen hasiera aitzakia bezala hartzen? Hartzeko kapaz ez garen erabakien lubaki ez ote dugu bihurtzen?
Horaciok bere Odan ospetsu egin zuen Carpe diem-a bizitzako mantra bihurtu beharko genuke. Norbere buruarekin zintzoak izan eta erabakiak orain eta hemen hartzen ikasi. Gure egunerokotasunean zerbait aldatu nahi badugu, zergatik itxaron urtarrilaren 1era? Eta, zerbaitek kalte egiten badigu, zergatik luzatu abenduaren 31 arte? Urte zahar eta berria urtero joan eta etortzen dira, baina bizitza bakarra da
