Olentzeroren buruko minak

Erabiltzailearen aurpegia Andere Arriolabengoa 2017ko abe. 23a, 00:00

Urteko garai hauetan oso lanpetuta ibiltzen naiz. Haurren gutunak irakurri, opariak prestatu eta Euskal Herriko herri eta txoko guztietan zehar banatu behar izaten ditut. Beharbada, pentsatuko duzue lan erraz eta pozgarria dela, baina, sarri, neketsua ere bada.

Nire desira haurren irribarrea da, baina beti ez zait hura lortzea erraza egiten. Guztion ardura da haurrak heztea eta bizitzea merezi duen bizitza egikaritu dezaten baloreak sustatzea. Gabon garaian ideiak oso argi izan behar izaten ditugu urdin-arrosaz banatuta dauden propagandak alde batera uzteko eta kontsumismoaren atzaparretan ez erortzeko. Txikiak direnean erraza da, oraindik Olentzeroren kontzientziarik ez dutelako, baina, koskortu ahala, kontraesanak dira nagusi. Nola ukatu neskato bati printzesa mozorroa hilabete daramanean gauza bera amesten? Nola oparitu mutikoari printzesa mozorroa, nahiz eta hilabete daraman gauza bera amesten?

Buruko minak buruko min, jai zoriontsuak eta urte berri on guztioi!

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak