Egunero Kurtzetan gora eta behera ibiltzen garenok, Albinako pantanoa gurutzatu ohi dugunok, paisaia paregabeaz gozatzeko aukera izaten dugu. Amaigabeko basoak, ametsetako pasadizoak eta ipuinetako bidezidorrak. Batez ere udazkenean, zuhaitz lotien hostoek koadroa urre kolorez margotzen duten garaian.
Baina dena ez da eltze-urre paradisuan. Egunero ibilbidea egiten dugun gidariak nazkatuta gaude abereekin topo egiteaz. Ez naiz orkatz eta basurdez ari, izen-abizenak dituzten behi eta behorrez baizik. Helburua ez da inori errurik botatzea, ardurak exijitzea baizik. Errepideak baditu berezko arriskuak eta biderkatu egiten zaizkigu inongo premiarik gabe.
Azken aste honetan egunero gurutzatu naiz beraiekin. Bai jabeek eta baita dagozkien instituzioek ere, bakoitzari dagokion neurrian ardurak hartzeko ordua da. Kaltebide honekin amaitzeko ordua da. Inork gertatzerik nahi ez duen ezbeharra gertatuz gero, nor egingo da erantzule?
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
