Haserre, nazkatuta eta irainduta sentitzen naiz PSE-k eta bere buru den Idoia Mendiak euskarekiko duten jarreraz. Euskara ez da hauteskunde kanpaina bakoitzean erabiltzeko truke txanpona, euskaldunon hizkuntza da.
Zenbat aldiz entzun ote dugun administrazioko perfilen inguruan eztabaidan. Gogoan dut, duela urte batzuk, irakasle batzuk nola grebara joan ziren perfilik izan gabe, eskatu egiten zitzaielako. Zu eta zure partidua azkar atera zineten beraien defentsan. Kontatzea ahaztu zitzaizuen ordea, langile horiek bost urte zeramatzatela euskara ikasteko liberatuta (lan egin ez baina administraziotik kobratzen, denon dirutik). Kasualitatez, beraien euskaltegiko irakaslea nire pisukidea zen. Ez ziren klasera joaten, ez zuten euskara ikasi nahi, baina oso ondo bizi ziren lan egin gabe kobratzen. Hau al da zuen eredua?
Hizkuntz eskubideak herritarronak dira. Gu gara beraien jabe. Eta zoritxarrez, euskal hiztun bezala sarri askotan sentitu naiz diskriminatua. Baina hori zuei bost axola, ezta? Ezin aipatu gabe gelditu. Auzolotsa sentitu nuen joan den asteko ETB 2ko debate ikustean. Aurretik zalantzarik banuen, argi gelditu zitzaidan zuk errespetua zer den ez dakizula.
