Kazetaritzaren objetibotasunetik gurako nuke-eta kontatu, bi urte eta erdiko bidearen ondoren, Eusko Legebiltzarrak kalamu elkarteak arautzeko eskaera egin duela astean. Helburua, klub horien jardunari berme eta segurtasun juridikoa ematea.
Ez diot nik, datuek baizik, kalamuaren aurkako legeak ez direla baliagarriak izan; arau juridikoek ez dute kontsumoa saihestzea lortu. Are gehiago, kontsumoa ez da informatua, librea, arduratsua eta kontrolpekoa. Interes asko daude kalamuaren inguruan ere; imajinatzen duzue pintxo poteo bat mostorekin?
