Tokian tokiko bizilagunei kasu eginda osatuko dugu ibilbidea. Hala ere, batzuetan dudatan jartzen dut ea ezagutzen ditugun kanpotik datozenei gomendatzen dizkiegun tokiak; izan ere, aurreko baten txoko honetan aipatu nuen iparraldeko Ainhoa laguna, gurera etorri zela aitzakia hartuta barneratu ginen lehenekoz Arrikrutz kobatan.
Gustatu zitzaigun, bai horixe, Araotzeko lur azpiko bisita; eta ederto borobildu genuen asteburua, patata-tortilla hartuta Usakora joanda. Egunerokotasuna apurtzea, horixe da oporren funtsa. Kendu egiozu zuk ere, bada, iratzargailuari pila!
