Bengo + Sukena

Erabiltzailearen aurpegia Verduri Hall-Gaztelekua 2024ko urt. 24a, 10:14

Bengo eta Sukena talde oñatiarra izango ditugu otsailaren 23an Verduri Hall-Gaztelekuan. Sarrerek 8€ balioko dute eta urtarrilaren 27an, 10:30etan jarriko dira salgai Txokolateixan eta Udalaren web orrialdean.

Bengo

Aitor Bengoetxea oiartzuarra ezkutatzen da Bengo izenaren atzean. Musika urbanoaren baitan kokatzen da eta abesteaz gain, Break dantzaria ere bada. 2021ean argitaratu zuen bere lehen lana, 4 Taupada izenekoa eta 2022an plataforma digitaletan zenbait abesti zintzilikatu ostean, iaz argitaratu zuen orain arte kaleratu duen azkena Bizirik izenpean. Aurretik egina zuenarekin alderatuta, soinu anitzagoa lantzen du bertan. Azken urteetan Euskal Herriko txoko ugaritan entzun ahal izan ditugu bere abestiak eta bertatik bertara entzuteko aukera izango dugu lehen aldiz Oñatin.

Sukena

Naia eta Eider Herraez ahizpek 2020an sorturiko pop-rock talde oñatiarra da Sukena. Lagun arteko kontzertu akustiko txikiak ematen hasi ziren eta formazioan hainbat aldaketa izan ostean, Naia eta Eiderrekin (ahotsak) batera, Asier Igartua (gitarra), Xanti Egaña (gitarra), Iratxe Urzelai (baxua) eta Xabi Albistegi (bateria) dira gainontzeko taldekideak gaur egun. Urte hauetan izandako aldaketekin, soinu akustikoetatik aldendu eta soinu elektrikoagoetara gerturatu dira eta hala entzun daiteke 2022ko urrian kaleratu zuten Guztia gordetzea ezinezkoa da diskoan. Bertako abestiak entzun eta gozatzeko aukera izango dugu seikoteak Verduri Hall-Gaztelekuan egingo duen estreinako kontzertuan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak