Duela bi asteko euriteen ostean, bidegorriaren Elorregiko lurrazpiko pasabidea itxita egon zen aurreko astean. Zabalik dago orain, baina erabiltzaile batek jakinarazi digun bezala, ez dago bertatik pasatzeko baldintza egokietan.
"Aurreko astean zinta egon da jarrita pasabidearen bi muturretan, bertatik pasatzea eragozteko; gaur goizean ez zuen zintarik, baina, bertatik pasatzen hasita, lokatz geruza sendoa zegoen pasabide osoan, eta oso arriskutsua zen bertatik pasatzea, bizikletan adibidez, oso irristakor zegoen-eta", adierazi du erabiltzaileak.
Foru Aldundiak "ahalbait bizkorren" pasabidea garbitu, eta ireki orduan egin beharko lukeela gaineratu du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
