Eduki hau partekatzeko esteka arbelera kopiatu da.
Mende erdi pasa da lehen aldiz oinak dantzan jarri genituenetik. Geroztik, herriko hainbat belaunaldi ere jarri dugu dantzan, eta pasa dira eguzki epeleko zenbait haurren egun eta dantzari-egun; neguko hotz eta euripean, zenbait Santamas egun, eta zenbait alpargata ere apurtu eta zikindu ditugu ordutik San Juan bezperan, Errementari dantzan.
Hamarkada bat igaro da dagoeneko lehen aldiz Txikitxu-Arrostaitzeko kideak eta kide ohiak Uarkapen dantzan elkartu ginenetik.
Aurten, berriz ere, Txikitxu-Arrostaitzeko kide ohi hori gurekin oinak dantzan jarri eta berriz alpargatak zikintzera gonbidatu nahi zaitugu, mende erdia guztiok batera ospatzeko. Altxa ditzagun berriz ere eskuak eta has gaitezen dantzan!
