Ingalaterran izan da Aitor Madinabeitia arrasatearra, British Open Kyokushinkai txapelketaren 46. aldian. 25 herrialdeetako 500 parte-hartzaile izan dira han, eta Madinabeitiak "maila handia" duela erakutsi du.
Hiru erronda jokatu zituen, guztira, arrasatearrak. Michal Kowalcyzk poloniarra izan zuen aurkari lehenengoan, eta garaipena eskuratu zuen; bigarrenean, berriz, Dave Kientz herbeheretarra izan zuen aurkari, eta hor ere irabazi egin zuen. Finalerdietan, Hans Kristian Havreberg norvegiarra izan zuen aurrez aurre, baina oso parekoak izan ziren bi round-en ondoren, tameshiwari modalitatera jo zuten: norvegiarrak arrasatearrak baino taula gehiago apurtu zituen, eta, horrenbestez, berarendako izan zen garaipena, hirugarren postua eskuratuz Madinabeitiak.
Leire Valor arrasatearra, Arrasateko Saioa karate taldeko kidea, ere han izan zen une oro arrasatearraren alboan, eta baita Gasteizko Yin-Yan klubeko lagunak ere.
