Kategoria hauetan jokatu zuten:
-
Irati Izurrategi: kata emakumezkoa, junior eta senior mailak.
-
Xavier Varteniuc: kata gizonezkoa, junior y senior mailak.
-
Nahia Barandiaran: kata emakumezkoa, 21 urtez azpiko eta senior mailak.
-
Iosu Madinabeitia: kata gizonezkoa, senior maila.
-
Esther Gomez : kata emakumezkoa, senior eta beteranoen mailak.
-
Gorka Izurrategi: kata gizonezkoa, senior eta beterano (35-49 urte) mailak.
-
Carlos Sanchez: kata gizonezkoa, senior eta beterano (35-49 urte) mailak.
Lortutako emaitzak onak izan ziren, parte hartutako ia kategoria guztietan dominen aldeko borrokan izan ginelako:
Irati Izurrategi, bigarren aukera aprobetxatuta, hirugarren postua lehiatzera iritsi zen junior zein senior kategorietan, baina ezin izan zuen kanporaketa irabazi, eta bi kategorietan 4. postuan geratu zen.
Xavier Varteniuc-ek klubaren lehen domina lortu zuen hirugarren postua eskuratuta junior kategorian. Seniorretan ez zuen halako zorterik izan, eta, lehen txanda irabazi arren, ezin izan zuen bigarrena gainditu.
Nahia Barandiaran 21 urtez azpikoen kategorian amaierara iritsi zen, baina ezin izan zion aurkariari irabazi, eta azkenean bigarren postuan geratu behar izan zuen. Senior maila zailagoa izan zen, eta ez zuen dominengatik borrokatzerik izan.
Iosu Madinabeitiak lehiaketa ona egin zuen, baina kata egiteko orduan desoreka batzuk izan zituen, eta dominen borrokatik kanpo geratu zen.
Esther Gomez, senior kategorian, ezin izan zen egon dominen aldeko borrokan. Beteranoen artean, ostera, zenbait adin-kategoria elkartu zituzten, eta finalerdietan erori zen kategoriako txapeldunaren aurrean; hala, hirugarren postuan geratu zen podiumean.
Gorka Izurrategik, berriz, txapelketa ona egin zuen. Seniorretan, dominetatik urrun, baina beteranoen artean Sanchezen aurka jokatu zuen finalerdietan, baita hirugarren postua eskuratu ere.
Carlos Sanchezek, sentsazio oneko txapelketa jokatu zuen; senior kategorian lehen txanda irabazi zuen, baina gero ezin dominengatik borrokatu. Beteranoetan, ordea, finalerdietan Gorkari gailendu zitzaion, eta, azkenean, 4-1 erorita, 2. geratuta zilarrezko domina jaso zuen.
Pozik emaitzekin
Laburbilduz, zilarrezko bi domina eta brontzezko hiru jaso ditugu, eta beste bi dominen aldeko borrokan egon gara. Sentsazioak oso onak dira, guztiek erakutsi duten mailagatik, eta pozik gaude lortutako emaitzekin.
Estatuko kata-txapelketa honek aukera ematen digu gure kata maila neurtzeko antzeko aurkarien kontra jokatuta. Hori ez da gertatzen RFEKeko txapelketa nazionaletan; horietan gainerako estiloetako katak hobeto baloratzen direlako.
