SMARTLOG OINTXEk garaipen handia lortu du Lleidan

Smartlog Ointxe Lleidan aurkeztu da atzerriko fitxaketarik gabe -oraindik Joana Dominales-ek ez baititu bere arazo administratiboak konpondu Angolatik Espainiara bidaiatu ahal izateko- baina ez da aitzakia izan Arrasateko taldeak Liga hau garaipenarekin hasteko.

Partida parekotasun handiarekin hasi da eta lehen laurdenean Smartlog Ointxe 18 – 19 aurretik jarri da, baina bigarren laurdenean kataluniarrek Arrasatekoen erasoei eutsi diete 16 – 7 hautsi eta atsedenaldira 34 – 26 alde joateko.

Atsedenaldiaren ostean, lehen saskiratzeak Lleidako taldearentzat izan dira, baina laster Smartlog Ointxe indartsuago defendatzen hasi da, eta erasoko bere trebetasuna hobetu du 17 – 24 jarriz.

Smartlog Ointxek hobeto jokatu du azken 10 minutuetan eta partida amaitzeko 30 segundo falta zirenean 66 – 72 nagusi zen. Bi jaurtiketa libre huts egin ondoren, hiruko bat (+ 1) etorri da, eta Arrasateko jokalariek huts egindako 2 jaurtiketa libre (72-72).

Luzapenean, Smartlog Ointxe zorigaiztoko partida amaiera horretatik suspertu da, eta partidara berriro lotzen jakin dute, partzial horretan 8-11 irabazteko, eta denboraldiko lehen garaipena Arrasaterentzat izan da.

Datorren larunbatean Smartlog Ointxe taldearen debuta izango da Iturripen, Pontevedrako talde galiziarraren aurka.