23 haur eta gaztetxo izan ziren bertan eta 2 heldu ere animatu ziren parte hartzera. Eguraldi ederra egin zuenez, ekintza guztiak kanpo espazioan egiteko aukera izan genuen.
Pasa den astean botatako proposamenak aurrera eraman ziren. Krepak egin genituen, parkourra, esku pilotan aritu ginen, tatuajeak egiten, aurpegiak margotzen, sua jolasean, goma eta sokarekin…
Goiz atseginarekin eman genion bukaera auzo honetako Ludoteka ibiltariari hurrengo urtera arte, baina kontuan izan, oraindik San Andres auzoan egongo garela martxoaren 9an hasita. Beraz, bertara gerturatu daitezke auzo honetako haurrak eta ludoteka ibiltariaz beste 4 larunbat goizetan gozatzeko aukera izango dute.
