Oraindik emaitzarik ez, baina benetan pertsona atsegin eta samurrak tokatu zaizkit inguruan; administraritza nahiz osasun mailan lanean dabiltzanak. Horregatik gutun hau.
Lehenik eta behin, Arrasateko ospitalean, dermatologian lan egiten duten Berridi dermatologoa eta Anabel erizain laguntzailea zoriondu behar ditut, nirekin izan duten gozotasun eta leuntasunarengatik.
Bigarrengoz, Martin Aperribai erradiologoari, Joxe -uste dut- erizainari eta laguntzaile taldeari, tratu gertu, zuzen eta egokiagatik. Uneoro ni lasaitzen ahalegindu zirelako, batez ere Martin, bere amak eta nik izen bera dugula-eta anekdotak kontatzen.
Eta, azkenik, Arrasatetik Gasteizera, han ere gauza bera, erradiologoa oso atsegina eta gertutasun handikoa. Normalean oker daudenak esaten ditugulako, honako hau, kontrakoa.
Urduri eta arduratuta joaten garenoi horrela tratatzearren, mila-mila esker, eta jarraitu horrela!
