Barriako San Bernardo eguna (abuztuak 20). Gure guraso eta aitona-amonentzat (Arantzazu, Araotz, Urrexola, Ugaztegi etab.) agian urteko egunik garrantzitsuena zen. Joan eta itzuli Araba menditik egiten zuten.
Gurasoen mehatxua izaten zen arbiak erein gabe bazeuden, ez zela San Bernardorik. Horregatik, gazteak, arbiak ereiteko irrikan egoten ziren.
Zaharrak gara eta azkenak izango gara, seguruenik; oraindik menditik joaten jarraitzen dugu, baina autoz itzultzen gara. Araba mendiko gailurretara iristean, adar-hotsak eta lekaixoak entzuten ziren. Aurten gauza bera egin dugu, baina inork ez digu erantzun.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
