Aurreko urteetan Garaia berrikuntza guneko tabernan egin izan ditugu hilero Herrixa Dantzan saioak, baina ikasturte honetan ezin izan ditugu martxan jarri, leku egoki baten faltan. Orain, leku berria aurkitu dugu: Uarkape pilotalekuko taberna. Datozen egunotan irekiko dute berriz taberna, eta arduradun berriek ondo hartu dute dantzaldiak bertan egitea. Bi saio egingo ditugu, froga bezala, ikasturtea amaitu aurretik: maiatzaren 16an eta ekainaren 6an (ostiralarekin, ohikoa genuen bezala). Ordutegia: 20.15 - 21.30. Helburua, animatzen diren herritarrek elkarrekin dantzan ondo pasatzea. Sarrera doan eta parte hartzea libre. Ikusten ere parte har daiteke, taberna zabalik izango baita. Dantza gidaria: Patxi Montero. Antolatzailea: Portaloi elkartea.
