Elgetak eman du izena Euskaraldiaren bigarren ekitaldirako

Dozena bat lagun elkartu ginen martitzenean Elgetako Euskaraldia batzordea berresteko. Horrekin batera, erabaki dugu 2020ko azaroaren 20tik abenduaren 4ra bitartean egitekoa den Euskaraldiaren bigarren ekitaldian izena ematea.

Luzeagoa izango da bigarren Euskaraldia, eta ahobizi eta belarriprest figurekin batera ariguneak bultzatu beharko ditugu. Hau da, euskaraz lasai jarduteko guneak. Etorriko dira izen-emateak, bilera deialdiak, txapen banaketa... Eta elgetarrek zabalik aurkituko dituzte Elgetako Euskaraldia batzordeko ateak!

Elgetako Euskaraldia batzordearekin harremanetan jartzeko: elgeta@euskaraldia.eus