"Eskoriatzan, COVID-19a dela eta, Osakidetzako txostenetako azken datuak, azken 14 egunetako datuak oso kezkagarriak izaten ari dira: bai tasa akumulatua (811) bai azken 14 eguneko inzidentzia tasa (2,06). Datu horiekin 5000 biztanle baino gehiagokoak bagina eremu gorriko herri bat izango ginateke.
Gure eta gure bizilagunen osasunagatik horrela aritu behar dugu: Gure burua zainduz eta elkar zainduz.
Norbanakoaren ardura erakusten jarraitzeaz gain, inoiz baino beharrezkoagoa da komunitate-zaintza indartzea. Horretarako politika publikoak ondo norabidetuz: osasun krisiari aurre hartu eta ekonomikoki sektore kaltetuetan inbertsioak egiten.
Gauzak horrela, Udal gobernuari lehenbailehen bilera bat egitea eskatu diogu beharrezkoak diren neurriak hartzen joateko, herri bezala indartuak ateratzeko".
