Euskaraz ikasteari hutsetik ekiteko (A1 maila), goizez nahiz arratsaldez dago aukera Debagoieneko AEK-n. B1 mailan jarduteko, ostera, arratsaldero (astelehen-asteazken edo astearte-ostegun). Bestetik, goi mailetan matrikula egiteko aukera ere badago oraindik (B2 eta C1); titulu ofizialetarako prestakuntza bereziak jasoko dituzte ikasleek. Horrez gain, mintzapraktika taldeak ere badaude B1 mailatik aurrera.
Matrikula egiteko edo informazio gehiago nahi izanez gero, Arrasateko herriko plazan (Iturriotz kalea, 21) dagoen bulegora joan beharko dira herritarrak.
