Eiderrek, denboraldi honetan, Gipuzkoako hiru faseetan borrokaldi guztiak irabazi ditu nagusitasun handiarekin, Gipuzkoako txapelketa bereganatuz; horrela egin zuen Gasteizen ere Euskadiko Txapelketan.
Denboraldi ikaragarria darama Eiderrek, eta asko hazi da pertsona eta judoka bezala; Espainiako kopan ondo aritu da eta garaikur ezberdinak bereganatu ditu.
Hurrengoko hitzordua Huescan izango du, hilaren 27an, Espainiako Txapelketan.
Alebinak Gipuzkoako Txapelketan
Igandean, berriz, alebinen txanda izan zen; Gipuzkoako txapelketako bigarren fasean jardun zuten, Urnietan.
Gure judoka gazteek, lehen faseari jarraipena emanez, puntu zaparrada ekarri zuten gurera eta gehienak maiatzaren 17ko finaleko sailkapena lortuz.
Hurrengo asteetan lan gogor egin beharko dute datozen erronketan gozatzeko.
