Monterroneko barandauari dagokionez, azken hamarkadetan beti ezagutu izan dugu mezu eta aldarrikapen ugarirekin jantzita, baina mezu horiek ez omen dira Maria Ubarretxena eta Oscar Garcíaren gustukoak, eta kale garbitzaileei aldarrikapen guztiak kentzeko agintzen diete, goizero.
Bereziki larriak izan dira, gure ustez, Iñigo Cabacasen hilketa, Argalaren erailketaren urteurrena, preso politikoen sakabanaketa, Venezuelako Estatu Kolpea, Maravillas gaztetxearen desalojo bortitza eta Oier Gomez presoaren heriotza salatzeko pankartak sistematikoki kentzea. Horri izen bakarra dagokio: zentsura faxista. Non daude zuen “errespetua”, “memoria”, “elkarbizitza”...? Ez daukate lotsarik, zaurituen eta hildakoen memoria bera errespetatzeko?
Gu ez gaude amore emateko prest. Jaikik bere kale lana biderkatu egingo du udal gobernu honek herri mugimenduko taldeen adierazpen askatasuna estutzen duen bakoitzean.
Zentsurari ez! Aurrera adierazpen askatasuna!
