Mariaren Lagundia ikastola

Mariaren Lagundia lau mende baino gehiagoko ibilbidea duen hezkuntza-erakundea da, 1607an Juana Lestonnacekoaren ekimenez sortua. Irakaskuntzara bideratutako emakumeen lehen erakunde aitzindaria izan zen, garairako proposamen berritzaile batetik jaioa: pertsona ardatz duen hezkuntza hurbila, hausnartzailea eta erabat gizatiarra. Bergara istorio honekin lotzen da 1799an, ikastetxea Tuterako sorkuntza modura jaio baitzen Ilustrazio betean; herrian nabarmendutako esparru soziokultural horrek hezkuntza-kezka handiak zituen. XIX. mendeko egoera zail baten ondoren, 1850etik aurrera Bergarako Etxeak ospea lortu zuen, muga nazionalak gaindituz eta nazioarteko prestigioa erdietsiz.

Gaur egun, Bergarako Mariaren Lagundiak bere sortzailearen ondareari eusten dio, gaur egungo munduaren erritmo zein beharretara egokituz eta herrian hezkuntza-erreferente gisa sendotuz. Bide horretan, ikasle bakoitzari bere erritmo zein ahalmenaren arabera laguntzen diogu, pertsona bakoitzaren berezitasuna errespetatu eta bere garapen osoa sustatzen
duen hezkuntza inklusiboa eskainiz.