Ihes-gela, gozoki-eskea eta afari-merienda Gaba Baltza ospatzeko

Gaba Baltza zapatuan ospatuko dute Gatzagan. 18:30ean elkartuko dira, eta, lehenik, ihes-gela txiki batean parte hartzeko aukera izango dute herriko gaztetxoek. Ondoren, herriko kaleak girotzeko eta apaintzeko lanetan arituko dira, eta, iluntzean, gozoki-eskea egingo dute. Egunari amaiera emateko, afari-merienda egingo dute Toki Eder elkartean. Mozorroak jantzi, lagunekin elkartu eta Gaba Baltzaz gozatzeko aukera paregabea izango dute parte-hartzaileek.