Eguraldiak lagunduta, ibilbide ederra egin dute Aizkorri-Aratz Parke Naturalaren inguruan GR-289 mendi-etapa egiteko batutakoek. Leintz-Gatzagan hasi dute etapa, eta Makatzgain, Leizargarate, Degurixa eta Ugaztegi zeharkatu ondoren, Oñatiko Araotz auzoan amaitu dute ibilbidea.
Mendiko paisaia ikusgarriez gozatzeko aukera izan dute, pagadi artean eta inguruko mendien magaletatik igaroz. Oxel Arrieta gidariaren hitzetan, "positiboa" izan da jardunaldia: "eguraldia lagun izan dugu, talde ona elkartu da eta ibilbidea oso polita izan da. Gainera, ez da arazorik izan".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.