Hainbat diagnostiko egin dituzte, eta etxebizitzaren egoera aztertu. "Datu interesgarriak eta itxaropentsuak" agertu direla diote, azken hilabeteetan "hainbat etxebizitza saldu, beste batzuk merkatura atera, eta Udala, herritarrak eta eragileak harremanetan daudelako etorkizunean etxebizitza berriak sortzeko aukerak aztertzen.
Hala ere, etxebizitzarena ez da Udal Gobernuaren erronka bakarra. "Herri txiki batek bizirik iraun dezan, hor bizitzeko baldintza egokiak ere behar dira: oinarrizko zerbitzuak, harreman sareak, parte hartzeko aukerak eta bizi-kalitate ona", adierazi dute. Hori dela eta, irailetik aurrera hausnarketa prozesuaren bigarren faseari ekingo diote, "Gatzaga bezalako landa-eremu batean bizitzeko interesa izan dezaketen pertsonengana hurbiltzeko eta herrira etortzeko edo bertan geratzeko beharrezkoak diren baldintzak identifikatzeko helburuarekin".