Maite Peñacoba izango da herri txikietako etxebizitzari buruz jardungo duen hizlaria. Gipuzkoako Foru Aldundiak landa ingurunerako duen Etorlur sozietateko zuzendari nagusia da hura, eta "landa inguruneko udalerri txikietan etxebizitzak sustatzea" da haren helburu nagusia.
Arazoari erantzuteko
Alderdi jeltzaleak adierazi du etxebizitza garestiaren eta eskasiaren arazoari erantzutea "lehentasun osoa" dela alderdiarentzat, eta solasaldia "aukera ezin hobea" izango dela "euskal erakundeek arlo horretan duten diagnostikoa eta estrategia ezagutzeko", eta, bereziki, gazteentzat, "emantzipatzeko eta bizitza autonomoko proiektu bat eraikitzeko prozesuan dauden egungo eta etorkizuneko alternatibak baloratzeko".
Gaineratu du gizarteari "zuzeneko informazioa" helarazi nahi diola, eta herritarren parte-hartzea bultzatzeko "baldintzak sortu", eta, era berean, EAJk jarraipena ematen diola "Gipuzkoako landa eremuan eta herri txikietan garatu nahi dituen ekitaldi tematikoen programari".