Hasiera eguna ezarrita ez dagoen arren, aurreikusten dute zoladura konpontzeko lanei ekingo dietela ekainaren 15a eta ekainaren 17a bitartean, eta, gutxi gorabehera, bost eta zortzi egunen artean iraungo dutela lan horiek, 08:00etan hasi eta 19:00etara bitartean.
Zirkulazioa, baimenduta
Bost edo zortzi egunez errepidean lanean ibiliko diren arren, jakinarazi dute zirkulazioa "modu murriztuan" baina baimenduta egongo dela. Hala ere, abisatu dute une jakin batzuetan atzerapenak eta ilarak sor daitezkeela errepidean.
Bestalde, tamaina handiko autobusek, zabor-bilketara bideratutako kamioi-handiek, makineria astunek eta neurri handiko ibilgailuek debekatuta izango dute errepidearen zati hartatik igarotzea. Hori dela eta, herritarrei gomendatu diete "joan-etorriak aurrez planifikatzeko eta, ahal den neurrian, ordezko bideak erabiltzeko".