17:00etan Jesus Arregi astrofisikoaren hitzaldia izan zen ludotekan, eta bertan 25 lagun inguru batu ziren π ikurraren bueltakoak entzuteko. Pijamak jantzita kalera irteteko dei eginda zuten antolatzaileek, eta hainbat lagun pijamak jantzita agertu ziren. Hala, pilotalekuan batu, eta, zenbait jolas egitearekin batera, argazkiak ateratzeko aprobetxatu zuten. Ondoren, pintxo-potea izan zuten Txomin Illarramendi eta Egoitz San Migel trikitilariek girotuta, zozketa ere izan zen, eta baita kantua ere. Eguneko argazkiak ateratzen, berriz, Juan Luis Zabala aritu zen.