Lan horretan ari da Iñigo Agirre, eta otsail hasiera ezkero zenbait lan-saio egin ditu interesdunekin. "Pertsona bakoitzaren gogoen, nahien eta baliabideen araberakoa da zerbitzua", adierazi du.
Hiru edo lau pertsonako hastapen saio gidatu batzuk antolatu dituzte zerbitzuari ekiteko, eta gimnasioko makinen erabilera egokiarekin hasi dira, nahiz eta zerbitzua ez den gimnasiora soilik mugatzen: "Eremu eta baliabide berriak dituztenez, saio horietan azaltzen dut indarra nola landu, makinetan nola jarri, ariketak nola egin… laster modu autonomoan aritu daitezen, oinarrizko plangintza batekin".
Zerbitzua, eguenetan
Astean behin eguenetan batzen dira herritarrak Iñigo Agirrerekin, 14:00etatik 18:00etara bitartean, eta zerbitzuak hasieratik interesa piztu duela azaldu du monitoreak. Gaineratu du Toki-Eder elkarteko erretiratuekin ere ekintza jakin bat edo irteera bat antolatzea ere baduela buruan.