π eguna ospatuko dute gatzagarrek

Leintz Gatzagako pilotalekuan 3 eta 4 artean π ikurra dago margotuta. Horren baitan, π eguna ospatuko dute gatzagarrek zapatuan. 16:00etan ekingo diote egunari etxafleroak botata. Gero, 17:00etan, Jesus Arregi Bengoa astrofisikariaren hitzaldia izango dute ludotekan, eta, 17:30ean adin guztientzako jolasak izango dira pilotalekuan. Ondoren, pintxo potea egingo dute, eta, pijamarekin kalera irteteko eskaera egin dute antolatzaileek.