Dorletako Ama Txirrindulari Elkartearen babespean eta Gatza City Krew taldeak lagunduta ari dira egitasmoa aurrera eramaten, eta lehen aldiz Leintz Gatzagako basoetan egingo den mendi-lasterketak hamazazpi kilometro izango dituela eta 1.050 metroko desnibela izango duela aurreratu dute. "Proba antolatzeko ideia buruan izanda, urtebete daramagu prestaketa-lanekin. Herriarentzako proba bat nahi dugu, eta, kontrolak nahiko malguak izanda, proba herrikoia izatea nahiko genuke; duda barik, lehia ere izango duena", adierazi du Beñat Agirreurretak, Gatza Trail taldeko kideak.
Bailarako herri guztietan izaten dira mendi lasterketak, eta Leintz Gatzaga zen Debagoienean egiteko falta zen herri bakarra. Hori horrela, mendi probetan aritzen den lagun taldea batu eta 2026ko martxoaren 21erako herri osoari mendian zehar bira ematen dion zirkularra den proba prestatu dute. Domeka honetan irekiko dute izenematea, kronoak.com helbidean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak