Bengoerreka Deba ibaiaren ondoan dago, eta ur-jauziak eta landaretza ugari batzen dira bertan, eta bertatik Gatz Museo ingururaino garbi dagoen sentsazioa izan arren beti dagoela zer garbitu adierazi dute ekimeneko parte-hartzaileek. Azken urteotan egindako erreka garbiketetan ere atera dute zaborra errekatik, aurreikusi baino gehiago sarritan, eta aurten ere aterako duten aurreikuspena dute.
Auzolana, herriaren ikur
Auzolana da Leintz Gatzagako herritarren marka nagusietako bat, eta asteburu honetan ere batuko dira gatzagarrak, ohikoa duten moduan, herriaren onuraren izenean auzolana egiteko. Deba ibaiaren sorlekua da Gatzaga, eta handik, hau da, Hiruerreketa inguruetatik, hasita herriguneraino erreka bazter guztiak izango dituzte nola dauden aztertu eta garbitzeko, nahiz eta biharko egunera begira bi eremu nagusitan ariko diren, batez ere. Hala, bertan dagoen zakarra atera, eta biodibertsitatearen aldeko ekimena egingo dute.