Udaleku irekietako bost egunetatik hirutan irteera egitea aurreikusten dute, baina, eguraldiaren arabera, programazioan aldaketak egin ditzaketela adierazi dute antolatzaileek. Lehenengo egunean, 11:00etan hasita, egunerako programatutako jolasak egingo dituzte; hilaren 15ean, Otxandioko igerilekura irteera egingo dute; uztailaren 16rako, berriz, hondartzara irteera egiteko proposamena dute mahai gainean; uztailaren 17an, Landara joateko asmoa dute; eta udaleku irekien azken egunean, jolasak izango dituzte, herrigunean.
Hiru eguneko egonaldia
Udaleku itxiei dagokienez, uztailaren 21ean 16:00etan irtengo dira Etxarrira; hain zuzen ere, Etxarriko kanpineko aterpetxera, eta, hilaren 23an bueltatuko dira, 17:00etan.