Egubakoitzean, 19:00etan, Labastide d'Armagnaceko udaletxean harrera egingo diete, eta gero, aperitiboa hartuko dute. Zapatuan, berriz, herrian bisita gidatua egin ostean, 11:30ean, Alain Gaubek, Labastide-d'Armagnaceko alkateak, harrera-hitzaldia egingo du. 12:15ean, Notre-Dame des Cyclistes-en –txirrindularien Andre Mariaren santutegia eta museoa– bisita egingo dute, Caude Nadeauk gidatuta –Notre Dame des Cyclistes elkarteko presidentea–. 17:00etan, berriz, Escalans herriko ganadutegi bat bisitatuko dute. Bisitaldia amaitzeko, domekan, meza izango dute, aire zabalean, Notre-Dame des Cyclistesen.
Egubakoitzetik domekara arte Labastide-d'Armagnac udalerrian izango dira Dorletako Ama Txirrindulari Elkarteko ordezkariak, eta bertan, Italiako eta Frantziako txirrindularien elkartekoekin batera hitzarmen bat sinatuko dute. "Asmoa da hiruren artean kolaborazio bide berriak urratzea", adierazi du Joxerra Agirreurretak, Dorletako Ama Txirrindulari Elkarteko ordezkariak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak