Dorletako Ama Txirrindulari Elkarteko kideek eskuak zabalik hartu zituzten, eta maillota bildumara gehitzeaz batera, bertan batuta dituzten harribitxiak erakusteko aprobetxatu zuten hitzordua.
Zaragozan ere zaindari
Dorletako Ama Zaragozan ere bada ikur, eta zikloturistek gurtzen dute. Hala jakinarazi zieten Dorletako Ama Txirrindulari Elkartekoei, Leintz Gatzagako Dorleta Santutegian egindako bisitan. Hain zuzen ere Jaulin (Zaragoza) udalerriaren magalean Dorletako amabirjina dute, ziklistek zaindari, eta, hemen, Arlaban mendatean egin ohi den bezala, 2025ean otsailaren 25ean joan ziren El Pedal Aragones taldeko zenbait zikloturista Jaulingo tontorrera, beste urte batez lore-eskaintza egin, eta fededunek Txirrindularien Ama Birjinari denboraldirako babesa eskatzera.
Jaulin (Zaragoza) udalerriaren magalean Dorletako amabirjinarekin ateratako argazkia.
