Ordenantza fiskalen igoeran azpimarratzekoa da hondakinen tasaren igoera; izan ere, hark izango du igoera handiena: %18,29koa. "Ur-tasaren igoera ez du Udalak zehazten, Ur Kontsortzioak erabakitzen du, eta saneamenduaren tasekin gauza bera gertatzen da. Gainontzekoei dagokienez, ondasun higiezinen gaineko zergek, trakzio mekanikoko ibilgailuen gaineko zergek… %2,5eko igoera izango dute", gaineratu du Dorleta Elkorobarrutiak, Gatzagako alkateak. Etxebizitza hutsei dagokienez, bestalde, Leintz Gatzagan ez dela errekargurik izango nabarmendu du.
Udal zergek %2,5eko igoera izango dute, orokorrean
2025eko ordenantza fiskalaren igoera onartu du Leintz Gatzagako Udalak osoko bilkuran, urteko KPIari erantzunez. Hautesle Elkarteko kideek 2025erako tasen eta prezio publikoen proposamena osatu eta proposamena osoko bilkuran aho batez onartuta, 2025eko zergak eta tasak arautuko dituzten ordenantza fiskalen igoera orokorra %2,5ekoa izango da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
