Leintz Gatzagako Gurel Gurasoen Elkarteko Ainhoa Barandiaranen esanetan, "egin beharrekoak dira Negulekuak. Irteeren alde egin dugu aurten, eta oso ondo pasa dute haurrek". Bi egunetan bi irteera egin dituzte: abenduaren 26an Jarindora joan ziren, egun-pasa, eta abenduaren 27an, berriz, Gasteizera, patinatzera. "Jarindora 11:00etan abiatu ziren, eta 16:00etan bueltatu ziren. Eguraldia ez zuten lagun izan eta hotz izugarria pasa zuten, nahiz eta, haien esanetan, ondo pasatu zuten. Hurrengo egunean, berriz, Gasteizko Florida parkera joateko aprobetxatu zuten; izotz-pistan aritu ziren patinatzen, eta, amaitzeko, txokolate beroa hartu zuten, eta Gatzagara buelta", adierazi du Barandiaranek.
Aratusteak prestatzeko asmoz
Gurel Guraso Elkarteko kideek urtean zehar egindakoak baloratzeko, eta aurrera begirako ekintzak prestatzeko datozen egunetan batuko dira. Hain zuzen ere, aratusteetan herritar talde handi bat gai zehatz batez mozorrotzen da urtero, eta aurtengo jaietan zertaz mozorrotu pentsatu eta ekintzak prestatzeko batzeko asmoa dute.
