Joan den egubakoitzean, Dorletan bisitan izan ziren Maria Modenes (Bertako Igogailuak), graveleko 23 urte azpiko Espainiako txapelduna; Diego Ruiz de Arkaute (Caja Rural), errepideko 23 urtez azpiko Euskadiko txapelduna; Xabier Bermejo (RPK), emakumezkoen taldeko zuzendari teknikoa; eta Arkaitz Larrazkueta, Zuiakoko lehendakaria eta Calas Espainiako ordezkaria. Azken horrek Mathieu van der Poel txirrindulariaren maillota eraman zuen Dorletako Santutegiko Mailloten Museora, bertan uzteko.
Azkenik, Segurola Eraikuntzako nagusi Nikolas Segurola ere izan zen bisitan, eta sorpresaz sarri joaten den Oier Lazkano txirrindularia ere bai. Dorletako Ama Elkarteko Alberto Altube lehendakaria omentzeko tartea ere hartu zuten egun hartan, 40 urtez lanean ziklismoaren alde ibili ondoren. Argazkiak atera, eta afaltzera joan ziren gero, Toki Eder elkartera.
