Iaz moduan, Aitor Larrañagak Gatzagako hiribilduko bisita gidatuak eskainiko ditu; 12:30ean euskaraz 13:00etan gazteleraz; eta 13:30ean, haurrentzat. Herriko arkuak, iturria, jauregiak… izango ditu berbagai, herriko historiarekin batera. Gurel Guraso Elkartekoek ere jarriko dute postua, urtero bezala, eta bertan, kalabazaren pisua asmatzeko jokoa egiteaz batera, gaztaina erreak egingo dituzte. Gatza City Krew gazte taldekoek, berriz, tonbola jartzeko asmoa dute.
Leringo herritik, piperrak erretzera
Nafarroatik Gatzagara joandako piper-erretzaileak ere izango dira azokan, urtero moduan, pikilloak eta najaranuak hazi gabe izango dituzte erretzeko, 2,30 eurotan kiloa. Horrekin batera, kontserbak, intxaurrak, olioa… izango dute salgai.
Korrika Arrasatetik Gatzagara
Bederatzigarren urtez egingo dute Arrasate eta Gatzagara arteko lasterketa, Sordan bideetatik, 10:30ean hasita –parte hartzeko, idatzi gatzbideankorrika@gmail.com helbidera–.
