09:00etan irten ziren autobusez, eta lehenengo geltokia Ordizian egin zuten. Herriko Tabernan hamarretakoa egin, eta azokara joan ziren. Produktuak ikusteaz batera, zenbaitek erosketak egiteko aprobetxatu zuten. Handik euskal kostalderako bidea hartu zuten, eta Zarautzen egin zuten geldialdia. Malekoian paseotxoa egin ostean, poteoa egin eta Euskalduna tabernan bazkaldu zuten. Ondoren, beste paseo bat eman eta etxerako bidea hartu zuten. Egunari amaiera emateko, Toki-Eder elkartean meriendatu zuten denek elkarrekin, eta handik etxera joan ziren. Udazkenean beste irteera bat egingo dute. "Barnealdean egingo dugu, baina, normalean, Nafarroa aldera joaten gara. Aurten Enkarterri aldera joateko asmoa dugu, baita Balmasedara ere…", dio Perico Orobengoa gatzagarrak.
Erretiratuek egun-pasa ederra egin dute
Gatzagako erretiratuek irteera ederra egin zuten eguaztenean. Bertan batutakoak oso gustura aritu ziren lagunartean, eta, eguraldia ere lagun, hurrengo irteera noiz iritsiko zain daude.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
