Eider Sanz izango da tailerra eskainiko duena eta gogoz dago ikasturteari hasiera emateko: "Gatzagako haurrak animatu dira egitasmora, eta jolasen bitartez landuko dugu antzerkia. Errealitate ezberdinak bizitzeko aukera ematen digu antzerkiak, eta sentimenduak ateratzeko aukera ematen du horrek. Nire ustez, hegan egiteko aukera bat da, baina baita lurrera ekartzen gaituena ere. Beraz, asko ikasteko, jolasteko eta gozatzeko batuko gara. Antzerkiak berak gure ahalmenak potentzializatzen dituela uste dut, eta bertaratzen direnen gustuko saioak eskaini nahi ditugu". Euskarazko antzerki ikastaroa urritik ekainera artekoa izango da, eta Leintz Gatzagako antzerki taldea osatuko duten gaztetxoak, egubakoitzetan, 17:30etik 18:45era bitartean batuko dira.
Eider Sanz Debagoieneko Antzerki Plataformako kideak eskainiko ditu saioak, urriaren 13an hasita
'Gorpuztu Gatza'
DAPen helburua bailarako arte eszenikoei tokia egitea izanda, ikasturte osoko formakuntza saioez gain, urriaren 22an, Gatzaren Egunean Gorpuztu Gatza izeneko performancea ere izango da DAP-ekoen eskutik.