Gatza City Krew gazte taldeko antolatzaileek adierazi dutenez, Labidea denda-tabernan izan dituzte txartelak salgai, eta, dezente salduta, talde polita batuko direla bazkaltzeko adierazi dute.
Horrekin batera, iluntzean izango diren kontzertuen ostean –Tatta, Denso, Mutiko eta Youth United–, afaldu nahi duenarentzat ere jarri dute aukera antolatzaileek, iazko hutsunea betetzeko asmoz: "Herrian afaltzeko leku falta dugu, eta, iaz jendea afaldu barik geratu zen. Hala, Andramari jaietan egin genuen moduan, food truck bat izango dugu; Goxua Food Truck izenekoa".
