Dorleta Elkorobarrutia Pagoaga (Leintz Gatzaga, 1973) izango da Leintz Gatzagako Hautesle Elkartearen alkategaia. Elkorobarrutiak 50 urte ditu eta Laboral Kutxako Marketing departamentuan egiten du lan, Arrasaten. Ez da bere lehenengo esperientzia izango udalean, 24 urte zituela bertan ibili zen.
Zerrendako bost kidetatik lau emakumezkoak dira, taldearen %80. Elkorobarrutiarekin batera, zerrendan doaz: Idoia Armendariz, Eneka Zankada -herriko alkate izan zen 2015etik 2018ra-, Aiora Elkorobarrutia eta Juanito Bengoa.
Maiatzeko hauteskundeetara begira, Leintz Gatzagako Udalerako ezagutarazi den zerrenda bakarra da, oraingoz; apirilaren 23ra arte dago aukera zerrendak aurkezteko, Eskualdeko Hauteskunde Batzordean.
