Martxoaren 8ra begira, asteon batu dira Leintz Gatzagako Sorginak Emakume Taldeko kideak, egunotara begira antolatu dituzten hitzorduak fintzeko eta egitaraua ixteko. Aitortza ekitaldia, ikus-entzunezko baten proiekzioa eta urteroko bazkaria izango dira.
Martxoaren 8an 17:30ean batuko dira, eta ohorezko zapia emango diote Leintz Gatzagako Sorginak Emakume Taldeko kide bati, lehenbizi. Horrekin batera, kopla batzuk abestuko dizkiote eguneko protagonistari, eta, ekitaldia amaitzen dutenean, Aretxabaletarako bidea hartuko dute, han egingo den manifestazioan parte hartzeko.
Urteroko bazkaria, hilaren 11n
Martxoaren 8an egingo dituztenez gain, beste zenbait ekintza ere antolatu nahi izan dituzte. Hala, martxoaren 10ean Erraiak dokumentalaren proiekzioa egingo dute, 18:30ean, Gatz Museoko informazio-guneko eraikinean. Horrekin batera, martxoaren 11n urteroko bazkaria egingo dute: aurten, 14:30ean, Toki Eder elkartean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
