Gatz Egunaren baitakoak azaldu aurretik, Gipuzkoa turismoa eta eskualdeen arteko lankidetza balorean jarri ditu aurkezpenean, Iker Goiriak, Foru Aldundiko turismo zuzendariak. "Guk promozioa egin dezakegu, baina, ekintzak antolatu eta benetako lana zuek egiten duzue", adierazi die Gatzagatik gerturatutako udal ordezkariei.
Gatz kultura hedatzen
Hori esanda, Aitor Larrañagak, Gatzagako garapenerako eta turismo alorreko teknikariak Gatzagako ondarea balorean jarri du: "Iturburu gazi bat dugu Gatzagan, eta, iturburu horrek gatzaren inguruko ekonomia bat sortu zuen, eta horrek ekarri zuen herriaren garapena; eta herriaren sorrera bera ere gatzak ekarri du. Gainera, gatz kultura bat hedatu da, eta, orain dela 30 urte inguru kultura guzti horren aztarna guztiak baloreak jartzen hasi ziren. Gaur egun gatz ekoizpena bertan egiten dugu, 0 kilometrokoa, Eusko Label kalitatea duena…, eta horrekin batera, zabalkundea emateko, Gatzaren Eguna ere antolatzen hasi ginen".
Egitarau betea
Gatz Eguna, gatzari omenaldi bat egitea moduko bat da. Egun baten batzen dute gatzaren baitan egiten duten lan guztia herriratzeko. Hori horrela, egitaraua honakoa izango da:
11:00etatik 14:30era, Gatzaren eta produktu ekologikoen azoka.
11:00etatik 14:00etara, Zurezko plaza jokoak.
10:00etan, Mendi ibilaldi gidatuak. Bi aukera izango dira: 'Gatz kulturak eman digun paisaia eta bioaniztasuna' eta 'Gatzaga mendebaldeko pagadietan zehar'.
11:00etan, Baso bainua.
12:00etan, Jakoba Errekondo. Landare-kontsultategia.
- Sukaldaritza tailerra haurrentzako.
- Mintegi ekologikoa.
-Bisita gidatuak eta gatz xaboiak egiteko tailerrak Gatz Museoan.
Eskerrak laguntzen aritu direnei
Beñat Agirreurretak, Gatzagako kultura teknikariak, berriz, Gatzaren Egunaren baitan antolakuntzan aritu diren guztiei eskerrak emateko aprobetxatu du. "Gatzagako herritar moduan eskertu nahiko nizkieke prozesu luze guzti honetan lanean aritu diren guztiei. Baita bertako elkarte eta eragileei, eta, baita, Aldundiari, Mankomunitateari, Biolurri, Errez kooperatibari…".
