Leintz Bailarako Ekiola Kooperatiba ezagutzeko hitzaldi-informatiboa egingo dute kultura etxean, 18:30ean. Leintz Bailarako Ekiola Kooperatiba zer den, nola funtzionatzen duen eta proiektuari buruzko xehetasun guztiak azalduko dituzte.
Besteak beste, Arrasateko, Aretxabaletako, Eskoriatzako eta Leintz Gatzagako udalen, Fagor Taldearen, Mondragon Taldearen, Debagoiena 2030 sarearen eta Energiaren Euskal Erakundearen babesa du Leintz Bailarako Ekiola Kooperatibak.
Zalantzak argitzeko tartea
Ekiolaren bitartez gatzagarrak eguzki-parke txikien bidez hornitu ahal izango dira eta kooperatiban parte hartzeko aukera izango dute energia sortzeko eta kudeatzeko. Hori horrela, kooperatibako hainbat ordezkarik –Aritz Otxandiano eta Amagoia Barandiaran– egitasmoaren xehetasunak azalduko dituzte, baita herritarren zalantzak argitu ere –ekitaldian ez da egongo itzulpen zerbitzurik–.