Hirukoiztu egin da turista kopurua museoan, oporraldian

Gatz Museoan egindako bisita batean.

Leintz Gatzagako Gatz Museoko bisita gidatuek gora egiten dute urtero Aste Santuko eta Pazko asteko oporraldian. Aurten ere horrela izan da, eta ohiko asteburu batean izaten duten bisita kopurua hirukoiztu egin da azken asteburuan. Batez ere, Euskal Autonomia Erkidegoko hiriburuetako bisitariak izan dituzte, kataluniarrak eta madrildarrak, eta baita Herbehereetatik etorritako turista taldea.

Aitor Larrañaga Leintz Gatzagako Gatz Museoko arduraduna "pozik" agertu da Gatz Museoan bertan eta herrian izan duten turista kopuruarekin. "Ez ditugu bisitari guztiak kontabilizatu, baina harrera oso ona izan dugu. Izan ditugun bisitak, gainera, ez dira izan museoa bisitatu eta listo, gatzaren salmenta ere ona izan da".

Aurrera begirakoak finkatzen

Oporraldiko bisiten balorazioa egiten dihardute Gatz Museoan, eta horrekin batera aurrera begirakoak antolatzen hasi nahi dutela adierazi du Larrañagak: "Uda parterakoak prestatzen hasiko gara orain".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.