"Ludotekako erabiltzaile gehienak 7 eta 8 urtekoak dira. Egubakoitzetan bakarrik batzen gara, 17:30etik 19:00etara bitartean; izan ere, asteko beste egunetan, eskolaz kanpoko ekintzak dituzte, eta, beraz, momentuz, hala dugu ezarrita ordutegia", adierazi du Gorka Zubillagak.
Ekarpenei irekita
Normalean haurrek elkarren artean askotariko jolasak egiteko aprobetxatzen dutela dio Zubillagak, baina eskulanak egiteko ere hartzen dutela tartea dio: "Euskararen Egunaren baitan, pankarta bat egin genuen, ekintza bereziak egiteko asmoa ere badugu, eta datozen egunetarako ere proposamenak egiteko eskatuko diet, nahiz eta Gabonetako zenbait egunetan ez den zerbitzurik egongo".
