Arropa, bitxiak, saskiak, serigrafia, panpinak larrugintza... Askotariko postuak izan dira ikusgai Leintz Gatzagako San Milixan azokan. Hemeretzi postu jarri dituzte guztira. Kanpotik etorritako artisauenak asko, baina bertakoen presentziarik ere ez da falta izan.
Hala, azoka girotzen aritu dira herritarrak ere. Sorginak Emakume Elkarteko kideek taloak egin dituzte; Gurel Guraso Elkarteko kideek gaztainak egin dituzte eta herritar talde bat izan da sagar-muztioa egiteko prozesua erakusten. Hainbat sagar motarekin egindako sagar zukua goxoa probatzeko aukera izan dute bertaratuek.
Postuekin batera izan da Goienakideren bizikleta-postua ere. Bazkide berriak egiteko helburuarekin, herriz herri ibiliko da postutxoa hemendik eta uztailera bitartean. Errigorako saski bat ere zozketatu dute bertan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
